كلمات الصحاب
صاحبي ده اللى بعتبره اخويا من اب تاني وام تانيه
في اي موقف واي زنقه لو عوزته جنبي بلاقيه في ثانيه
فرقه واحده وجيم واحد وفي كل حاجه اصحاب بجد
انا وهو على الغريب وعلى ابن عمي واي حد
بنا عشره وعيش وملح وحاجات كتيره متتحكيش
لمه واحده بيبقى جمبي بلقيه معايا مبيسبنيش
اصل صاحب مش بس كلمه صاحب ده يعنى حاجات كتير
صاحبك مرايتك وكل همه في الدنيا انك تكون بخير
صاحبي راجل وفي المشاكل بلاقيه معايا وكانه ظلي
لو يشوفني بغلط في حاجه ميضلنيش على طول يقولي
لما بنجح في اي حاجه بتكون سعاته متتوصفش
في كل تفاصيل حياتي شبهي تقريبا احنا مبنختلفش