كلمات عيشها بدماغك
✍️ كلمات: امير طعيمة
🎼 ألحان: هشام جمال
من هنا و رايح هنعيش حياتنا زي ما احنا عايزين نعيش
ليه هنحسبها دي اللحظه حلوه ممكن تروح و ما تجيش
عيش من غير امتى و فين و ليه
و اعمل اللي نفسك فيه
مفهاش اي مشكله
عيش عمرك محسوب بالسنين
مش هتعيشه مرتين
يبقى كفايه اسئله
عيشها بدماغك انت و سيبك م اللي الناس بتقوله
دي حياتك قطر بيجري و عمرك بيجري معاه
جرب اغلط و اتعلم لسه قصادك عمر بطوله
هتقع و تقوم من تاني تكمل و تعيش الحياه
من هنا و رايح هنعيش حياتنا عادي الي هيكون يكون
مين قال حياتنا ابيض واسود الدنيا فيها الف لون
سيب بكره لبكره ويلا عيش
اللحظه دي متتنسيش
والنهرده ملكنا
مين مش مهم انت مين
مش مهم جاي منين
المهم انك هنا