كلمات رساله من كل ابن

كل يوم بصحى من النوم
على صوت امي بتصرخ قوم
لو متصبحتش بخناقه
يبقى في حاجه غريبه في اليوم
ولو قولتلها تعبان شويه
تقول من النت ومن التليفون
وبالنسبه لها اي وجع
يبقى واخد برد تقل هدوم
ولازم اسمع ده انا ممكن اسمع
كل كلامها ما انا حافظه
هتسالني امتى هترجع
طب لما انزل من اصله

رساله من كل ابن لكل ام وكل اب ياريت
لو يوم كده شلنا ماده بلاش معايره
طول اليوم في البيت وسبونا ننقي جامعه
على مزاجنا انشاء الله نخش في حيط
وبلاش على كل حاجه قاعده ومحاضره
خلو الموضوع بسيط

يعدي اليوم وارجع بليل الاقي الحاج قاعد مستني
طبعا امي مسخناه وبكل براءه بتحوش عني
يبدا التحقيق يسالني عملت ايه انا طول يومي
ويبصلي جامد في عنيا يقرب ويشم هدومي
ويقولي في حد محترم يرجع بيته وش الفجر
واصلا الساعه لسه واحده يشد موبايلي يفتشه غدر