كلمات البارق لـ

برق لمع في عارض الخد
وأرّق عيوني من وميضه
أسفر وأنور مايس القد
غالي ومحد لي يعيضه

الداج منشوله ومسوّد
فوق المناكب لي عريضة
نور وظلام فيه يمتد
والليل يفخر في نقيضه

يلسة ملك يالس ومعتد
وليا نهض محلى نهيضه
أدعج غنج ما نافسه حد
والعين لي تشوفه حظيظة

الخشم معكوف مهنّد
والجمر ثغره لي يغيضه
ورد يعانق صفحة الخد
ورد الخزامى وسط فيضه

في خافقي له باني السد
عنها النفوس اللي مريضة
محروز عن قول المنكّد
أهل الوجوه اللي بغيضة

سنه غرام الغير يا ود
والا غرامي له فريضة
غرشوب ما له فالحسن ند
نور المدن قلبي ونبيضه

مخلوق من لولو وعسجد
لاضي لضى يلفت لظيظه
فاتن مفاتن تتعب العد
مفنود اسمه في العريضة

عن شوف عينه مالي بد
وقت الشتا والا بقيضه
لقياه عيد القلب يسعد
وفرقاه يا عيني غميضة

بحر المحاسن مده المد
فيه الكنوز اللي بهيضة
هيهات مثله حد يوجد
نادر ولا له من عويضة

إغزيل لا من حضر سد
مزيون جوي لي يهيضه
يرعد وخد البارق يرد
والغيم هايم في وميضه

اغنية البارق – محمد الماسي
Al Bariq – Mohammed Al Massi

المزيد من أغاني محمد الماسي
الآية
لك خفوقي
ينكرون
هلابك
الفوادي