كلمات هلا بك

هلا بك عد شوقي والحنين
هلا بك عد نجمات الظلاما
‏‎هلا بك يا هلا بك يالضنين
‏‎بوصلك غنت الدنيا سلاما

اذا تمشي يميل العود لين
وتنثر من شذى عبيرك خزامى
قمر هالليل في ذاك الجبين
و نور الشمس من تحت اللثاما

‏‎ورمش العين لك جيش حصين
‏‎تهيا لاجل عينك باحتراما
‏‎وثغرك توت رمان و تين
‏‎يشافي عله القلب وسقاما

وذا تبرز ثناياك وتبين
و تشرق في محياك ابتساما
ضوينا في هيامك عاشقين
وحب الغير من بعدك حراما

‏‎ نسامر هالمسا الدر الثمين
‏‎وخطينا من سطور الغراما
‏‎الى غيد وسط قلبي تزين
‏‎تفوق بحسنها كل الرياما