كلمات علم داري الشامخ
✍️ كلمات: علي السبعان ( نديم الحرف )
🎼 ألحان: هزاع الرئيسي
علم داري الشامخ عشق عالي القمه
وهو طول عمره فوق روس القمم معقود
فلا يحني القامه ولا يثني الهمه
ولا له مكان الا على الشامخ المفنود
تعزه قلوب صادقه همها همه
توفي بعهد الواحد الخالق المعبود
وتبقى امارات الغلا واسمها انضمه
ومن اسم زايد ماخذه عزها والزود
بكفه بناها صرح تفخر به الامه
وخلف عليها احرار يمشون ممشى العود
عضود وظهر وسناد للي شكى همه
ومن يعتزي بعيال زايد رقى بسنود
بلاد ثراها طيب للطيب ايشمه
وترمي على الباغين بالنار والبارود
حبيبة شعب يرخص لها روحه ودمه
وحزة دعى الميدان نفدي ثراها جنود
لك العز يا دار علمها على القمه
ويشهد لها التاريخ والحاضر المشهود