كلمات الغنايم

البارحه و الفكر لبعيد شايم
سهران ليلي و خالي الفكر نايم

نقيت من سوق المثايل نوادرا
يسلا بها راس زهته العمايم

و تسلا بها عذرى من العود ريحها
عذرى خذت من وصف علياء علايم

مياسه لي لامس النود عودها
و قطر الندى في خدها له وسايم

ان دنقت ما دنقت غير للولي
عظيمه و من نسل قومن عظايم

تنشد عن غيابي عن الدار و اهلها
و الدار في قلبي لها صرح قايم

اهوى هواها و اهتوي نطق اسمها
و لها غلا في وسط الفواد قايم

و لا اقول ما قالوه قبلي من العرب
من طول الغيبات جاب الغنايم

ف ان طالت الغيبات و الا ان اقصرت
على الغنايم راعي الطيب دايم

و انا على عهد الوفاء جهرا و خفاء
و الى سماء العليا بالعزوم شايم