كلمات طب و انا

فوسط زحمه و ناس كتيره بتواسيني
بيقولولي ده نصيبي
كنت سرحان فاللي انا فيوم كتبته
مبقتش عارف ايه اللي حلم و ايه حقيقي

حتى الدوا مش بيداويني
ضحيتي ليه ب اكتر حد اهتم بيكي؟
و بقيت انا ، عايش لوحدي
و فاكرك طول الوقت بس انتي نسيتيني

طب و انا ؟ مين ينسيني؟
مين ياخد ايدي و من العتمه دي يعديني
انا بكدب كل يوم على نفسي و مش مصدق
ازاي تسيبي اكتر حد حس بيكي ؟

و ناسي اسمي مش فاكر اني
اتغيرت كتير و مش شايلاني رجلي
بشوفك فالسما مع النجوم بعيده
هفضل انادي كل يوم يمكن تحني

بقيت ضعيف
زي طير مكسور جناحه و تاه عن الطريق
زي طفل حب لعبه بس من بعيد
زي شاب اول حب متكتبش ليه
ليه اللي بينا انتي نسيتيه

طب و انا ؟ مين ينسيني؟
مين ياخد ايدي و من العتمه دي يعديني
انا بكدب كل يوم على نفسي و مش مصدق
ازاي تسيبي اكتر حد حس بيكي ؟