كلمات ساعات
ساعات نحس الدنيا ضاقت بينا
ساعات دماغنا تجيبنا و تودينا
ساعات نفتكر ذكريات قديمه
و نقول يا ريتنا اتمسكنا بيها
و ساعات ننكر الحقيقه
و احيانًا بنتوه عن الطريق
مش كان ممكن نبقى احسن
لو كان حد بس حس بينا
حاسس حاجات كتير و بداريها
بداوي نفسي بس بالمزيكا
حواليا ورق فيه كلام كتير
بس مفيش فيهم ولا جمله مفيده
اوقات كتير اتقالي متنفعش ليك
بتعافر ليه ماكل شئ قسمه و نصيب
محدش عارف بالليل ايه اللي بيناديلي
انا نفسي ارجع بس لايامي القديمه
مفيش حد حاسس بيك
عاجبهم شكلك و انت فالغريق
محدش ساعدك سايبينك كئيب
بتجري فالدنيا زي الفريسه
عايشين حياتهم و سايبينك
و عارفين ان فدماغك حريقه
مالاخر هما مش عايزينك
لم اللي باقي منك شوف طريقك
مش عارف الاقيها من فين ولا فين
مش عايز كل يوم اصبر نفسي بكلمتين
مبقتش عارف احس ب اي حاجه ليه
لو في مية سكينه فضهري مبتدمعش عيني
انا فدوامه بتشدني و الناس واقفه بتعدلي
و الايام بتجري و مش بلحقها
مفيش كلام منطقي يوصف حالتي اللي انا فيها
انا نفسي الدنيا ترجع سهله
ساعات نحس الدنيا ضاقت بينا
ساعات دماغنا تجيبنا و تودينا
ساعات نفتكر ذكريات قديمه
و نقول يا ريتنا اتمسكنا بيها
و ساعات ننكر الحقيقه
و احيانًا بنتوه عن الطريق
مش كان ممكن نبقى احسن
لو كان حد بس حس بينا