كلمات ماعرفش
فاتني كتير يمكن
طول ١٤ سنة ومبطلتش يوم thinking
لسه زي مانا لما أشوفلك صورة تنزل
دموعي ع الخد أكني طفل ف وسط الزحمة تاه من
الايد اللي كت ماسكاه.. فاهمة؟
مكنش وقوعي نية وأعمل ايه ف عيونك ساحرة
شايفك جاية مديت ايديا بس روحتي انتي ساحبة
وتلاشيتي مع دخاني أتاري دماغي سارحة
هلاوس والواقع اتعارضوا
بدعي ميكونش اللي عيشناه هلاوس برضو
وجودك خلى قلبي قال دي الجنة ف أرضه
فراقك خبى مني الكون بطوله وعرضه
وأنا زهقت من كوني لوحدي ف الدنيا من غيرك
أوقات بتمنى لو كت بس تستنى الساعة الي ف إيدك
لكنه طيشك لا معلش أقصد نصيبي ونصيبك
وأنا ايه ذنبي اقعد بليل أرغي واعاتب ف طيفك
ماعرفش
أنا كان ف بالي يستحيل ف يوم أروح
لكن ف سني الدنيا مش باينة بوضوح
قولت هبعد وبعد كام ليلة تفوق
وأتاريك مكمل لسه بتداوي الجروح
راجعة تقولي كنت طايشة
سني صغير كنت حابه
أخوض تجارب أبقى عايشة
كان قصير
الوقت اللي عيشته معاكي وقومتي ناقشة
على جدران قلبي "أنا هفضل هنا" وروحتي ماشية
مفهمتش خطواتك وقتها معرفتش
ازاي عندك قدرة تفاجئيني وانا منتبه مقدرتش
أستحمل إنك سيبتيني والشمس تطلع ومنامتش
والدم بيغلي اهو ف عيني والعقل إتشل أنا مكونتش
شايفك غير زي
الملايكة ويمكن أحلى
وأقول لنفسي الشكة دي حب يمكن نحلة
كل الناس دي هتسيب بعض أكيد إلا أحنا
مكونتش عارف إن ده دوري تصيبني اللعنة
أفر موبايلي يوماتي على صورة واحدة تجمعنا
ومش بلقى..
كنت أقولك ناخد صورة تقولي لأه
وكنت برضى..
هل حكمة مني وشايف المستقبل
ولا دي حاجة أندم عليها.. طول عمري وأنا ف معزل ماعرفش
كل اللي بينا فشلت إني أقدره
أوقات بنعرف قيمة اللي بنخسره
بعد المعاد ما يفوت وقلبي أحسره
على حد حبه بشكل صعب أعوضه
وخداني الدنيا غسيل ومكوة
كنت بيكي أقوى وانتي روحتي مشيتي فجوة
بقت جوا مني جسد فارغ بلا روح ومغزى
وطني العربي انتي
كنت ليكي غزة
صارحي قلبي بصدق قولي ليه إتخليتي عنا
كل حاجة حلوة بقت بلا معنى
بقت دنيا باهتة ف عيني إتبنت حاجة مانعة
لقيت ف كل مكان أروحه لوحدي ذكرى هناك تجمعنا
دورت.. عليكي ف كل وش شوفته كل حد قابلته
كل مرة أشم ريحتك بدل ريحته
مش ناسيكي وأهو عتابي قولته واهو عذابي دوقته
ولسه برضو بحن للي معاكي عيشته
فا أحكي لحالي ع اللي شوفته منك
بفكر نفسي قبل ما يبدأ النسيان يتملك
بعرف ساعات أبانلك
قلب جامد والحق
مش فاهم ليه بتوحشيني
ولسه بحبك
ماعرفش
ليه كل حاجة ضايعة مني ألقاها فيك؟
ليه كل مرة أحس لهفة بتبقى ليك؟
إفتحلي قلبك ده الجواب قايلاه عينيك
وإفضل عاتبني وهى ايدي بين ايديك
ليه كل حاجة ضايعة مني ألقاها فيك؟
ليه كل مرة أحس لهفة بتبقى ليك؟
إفتحلي قلبك ده الجواب قايلاه عينيك
وإفضل عاتبني وهى ايدي بين ايديك
وأعمل ايه ف عيونك ساحرة
الملايكة و يمكن أحلى