كلمات أول لُقا
مشهد اول لُقا
لسه في عينى مراحش
١٤سنة
و إحساسك مماتش
وادي سنة جديدة
وأنتى لسه بعيدة
لحضنى مرجعتيش
دخلتى في ١٠٠ قصيدة
واحشنى حضن الايد
واحشنى أنتى معايا
مهما كنتى بعيدة
لسه عايشة جوايا
فرقتنا الايام
مين فينا ملام
جوايا احساس
خلاص مات
ياما كنتى محتجالى
ياما حكيتى عنى
قلتى كان و كان
ده اغلي غالي
مروحتيش عن بالي لحظة
و متاكد انى مروحتش
علي طول كنت في بالك
عيونى في خيالك
من كتر ما حبتينى
مشيتى بدون مواجهة
بعد سنة اجمعنا
وخفتى تبقي قادرة
اشيل ذنب حجات
معملتهاش
معذورة متعرفيش
عشانك عادي اضيع بلاش
مشهد اول لُقا
لسه في عينى مراحش
١٤سنة
و إحساسك مماتش
وادي سنة جديدة
وأنتى لسه بعيدة
لحضنى مرجعتيش
دخلتى في ١٠٠ قصيدة
البداية اسمك
أول كلمة بحبك
اسم محفور جوايا
أنا بردو في بُعدك قابلت
قبلت ياما ناس
دورت عليكى فيهم
ملقتش نفس الأحساس
مانتى الحورية
مفيش منك
توهت في جمال عنيكى
دوبت أنا في رمشك
دورتى عليا في ناس
وزيي ملقتيش
بس قبلتى بيه و قلتى
انتى تشكليه
لاكن دون جدوى
كنت في عينك الأحلى
كالعادة الحب لزحمة
و عمرى ماكنت الأبدى
ورجعنا تانى بعد عشر سنين
كالعادة ظهرت في وقتى
مش عارفة ظهرت منين
تايهة محتارة تلجأى
تلجأى ساعتها بس لمين
بظهورى اطمنتى
لم اعد من الغائبين
لم اعد من الغائبين
لمً اعد من الغائبين
مشهد اول لُقا
لسه في عينى مراحش
١٤سنة
و إحساسك مماتش
وادي سنة جديدة
وأنتى لسه بعيدة
لحضنى مرجعتيش
دخلتى في ١٠٠ قصيدة
سؤال دايما فبالي
مش لاقيله اي اجابة
نفسي أطمن واحس
انه مش استحالة
منا ياما كتير زعلتك
من غير اى لزوم
عشان وحشانى ومنك
منك انا محروم