كلمات واقف مستني علي بابك

واقف مستني علي بابك
كلمات الشاعر محمود فاروق أبو حمزة
تلحين برامج ذكاء صناعي
موبايل : 01157326214

واقف مستني علي بابك
بقول بكرة مسيرها تروق
اكيد عارف لو احتاجك
من بعد الضلمة ح القي شروق
وبين اللحظة والتانية
باضيع ف الحيرة والأوهام
بشوف احلامي ف عنيا
كابوس خوفني م الاحلام

يارب انا بين ايديك انسان
تايه حيران ف ألف طريق
ونفسي لقلبي حضن امان
بدل دنيا عليه بتضيق

وكام من عاش ف الدنيا
ومات اسمه وراه مدفون
ونفسه يعود ولو ثانية
وكام عاقل وكام مجنون
فاكر أنه متخلد
يموت الناس وهو يعيش
وكل اعماله كيف يعند
وكيفه دا أصله لحظة طيش

وف الاخر يادوب توبة
يقولها يارب تسمع له
وغيره عايشها بصعوبة
ونفسه حياته تشفع له

يارب انا بين ايديك انسان
تايه حيران ف ألف طريق
ونفسي لقلبي حضن امان
بدل دنيا عليه بتضيق

قلوب بسهولة تتقلب
عشان فيه خير ومش شايفاه
ولولا ايمان بيتغلب
لا يوم ترضي بأي حياة

ويا بخت اللي عرف الصبر
وعمر ما ذنب ليه صاحب
يقوم يدعي ف صلاة الفجر
ودمع عنيه عليه غالب

يارب رضاك والجنة
و راحة قلب مؤمن بيك
عايش ف الدنيا يستني
بيجهز للقا ويرضيك

يارب انا بين ايديك انسان
تايه حيران ف ألف طريق
ونفسي لقلبي حضن امان
بدل دنيا عليه بتضيق

واقف مستني علي بابك