كلمات شيري
اغنية شيري
كلمات الشاعر محمود فاروق أبو حمزة
بُصْ ف عينيا
ها تلاقي نور
ها تلاقي دنيا متلونة
الفرحة جوة قلب جسور
مكتوب عليه اسمي انا
واللي ماشافش. الكون دا شايف
ألوان ربيع مع وردة شقية
تحضن ف قلب طول عمره خايف
يهدا ويعيشها خلاص بالنية
مش سهلة لكن اي صعوبتها
بافرد ايديا تكون لي جناح
لو يوم تغيب الشمس ساعتها
اضحك ح تلقي فيه ١٠٠ مصباح
والسر مين زيي خلاص عارف
مهما اتأذيت الرد سماح
تعويذتي اسمي أنا شيري عاطف
( أنا شيري عاطف)
انطق حروف اسمي هاترتاح
والفرحة عندي مش شوية
والبهجة راية و حاضنة السما
يا تعيش بطل يا تعيشها ضحية
احلام قوية ليه مستسلمة
والسر مين زيي خلاص عارف
مهما اتأذيت الرد سماح
تعويذتي اسمي أنا شيري عاطف
( أنا شيري عاطف)
انطق حروف اسمي هاترتاح