كلمات هذي غناية ليهم

موّال أمان يا عين..يا عين رأيت من العجب ألوان..
و لا يوم رأيت أعجب من الإنسان..
ينسى اليدين اللي بنت و علت و يتذكر الأحجار والبنيان..
ضمي الجفون يا عين..على اللي عاشوا في الظل يسقوا الشمس للعطشان...
و قولي لهم فينا اللي يتذكرهم...بحبر العرق و بريشة الوجدان..أمان يا عين
هذي غناية ليهم...من القلب تحييّهم

ويذوبوا كالشمعة و يخبيّو الدمعة على عيون أهاليهم...
الناس اللي تعاني..و نساتهم الأغاني..هذي غناية ليهم
اللي عمري ليهم..و عمري شويّة فيهم
يعيشوا بلقمة نظيفة و يصنعوا الخطيفة ربيع يجنّح بيهم...
تملكهم بكليمة..و يتمنّاو ديمة ..بعيدة أمانيهم..
الناس اللي تعاني و نساتهم الأغاني..هذي غناية ليهم
اللي في لياليهم..ضحكتنا تدفيّهم..
خطوتهم عالجمرة و يحلموا بالقمرة مراية بين أيديهم...

الناس اللي تعاني و نساتهم الأغاني..هذي غناية ليهم...