كلمات ريتك ما نعرف وين

ريتك ما نعرف وين
لحظة ما بين نومين
في حومة باب الخضرا
و لا في الحجامين
و يمكن صارت ها القصّه
زمان إلّي كانت خصّه
في ربط الحلفاوين

ريتك و فنيت عليك
و قعدت نتبع فيك
يا بنية باب سويقه
خمسه و خميسه عليك
تمنيت و جهك يضحك لي
و شفرك لكحل ينعم لي
مره نتلاقي بيك

ريتك في حلق الواد
و احنا على بعضنا بعاد
ما لقيت كيفاش نوصل لك
و تلهاو بينا لعباد
وقتاش يا مشموم
في خجلتك مضموم
نكمت بيكي الحساد

ريتك في لافايات
تتدرجح بالخانات
يا ليتني ما شوفتك
ناري شعلت و قوات
محلاك في الصبحية
كيف تتبخطر يا بنيّة
الدنيا مشات و جات

نحلم كاينا إثنين
ضعنا ما نعرف وين
يمكن في باب مناره
و لا في العسافين
لكن كنا مع بعضنا
ما ثمّا ما يفرقنا
برادسي برادسو ماشيين