كلمات بعد احبك

بعد احبك ودي اعرف كيف تبغاني انام
وانت تدري كم لي أنطر كلمة أحبك كثير
جيت من ذابل سكوتي كنت انا احتاجك كلام
جيت وعيوني مواني للبكا وماني بخير
كنت اشوفك من بعيد واكبر احلامي ملام
كنت اخبي عنك حزني كنت من ظلك أغير
صوتك إحساس الطفولة والأماني والسلام
ضحكتك غيم وحدايق ورد وازهار وعبير

ياكثر ماكان حبك في سما روحي يطير
غافل أوقاتك وخذني شمس لا حل الظلام
صير لأحلامي أملها وانا لاحلامك بصير
وانهزم فيني وعطني إهتمامك والغرام
من تفاصيلك ابحيا واشعر اني فيك غير
وبعد احبك ودي اعرف كيف تبغاني انام
وانت تدري إن حبك آنا احتاجه كثير