كلمات معاك الحق

معاك الحق وبكيفك ولا انت بعشرتي مجبور
وانا من صوبي سامحلك نعم ومبري الذمه
تاكد واللي يجمعنا انا لاقلت لك معذور
مجرد واقعي يحلم يعيش بواقع يهمه

على النيه انا عايش على النيه بصدق شعور
اعيش و ما استحى قلبي على الصدمات من دمه
عليك الله ياذاك الشعور البارد المهجور
هدمت اغلى طموحاتي قتلت الحلم من يمه

هدمت بقلبك القاسي سنيني ولا تركت سطور
مشاعر قلبك اللاهي انا ادري ماهي مهتمه
احسبك يالوفا تجبر حطام الخاطر المكسور
واشوفك للاسف مثل الاوادم شرك تعمه

وش اللي يفرق الجاحد عن اللي خان وعاش الدور
اذا ماكان هذا هو اخو لهذا ولد عمه
غريبه يالقلوب اللي تحاول تخفي المستور
تخاف تكون بالصوره وتكشف واقع تضمه

واذا انت بخاطرك كلمه او ببالك سؤال يدور
ابد لايشغلك قلب عشانك مات من همه
مادام ان الوفا بين الحبايب ما خذى له دور
يموت الحب لعيون الفراق اللي هدر دمه