البارحه ماغفيت وطارت النوده والنار من لوعتي بالجوف وقاده والعين تمت طوال الليل مجهوده والحزن في وسط قلبي ثبت أوتاده يا بايعين السعادة وين موجوده ودي اشتريها لجفنٍ ضيع إرقاده وش حيلة اللي بأمان الله في ذوده عايش على طيب قلبه ودلة إقناده مقتوح بابه وكفه دوم ممدوده ويجيه همٍ يعكر صفو ميعاده ويلاه من زلةٍ ماهيب مقصوده على الذي ودهم نشريه وزياده يارب لطفك بنفسٍ جات ملهوده تطلبك عفوك بمن هو طول إسهاده ياليت عذري يسد ويوصل إحدوده ولا أعتذاري يروح ويبلغ أمراده