كلمات بزعل عالوقت
فاكرة الدموع و ناسية كل ضحكة بيننا
مجهود بقائنا جه عدا انه يجي منا
قولنا هنمشي واحدة واحدة و سنة سنة
و قولنا نرقى طلعنا سلم العشاق نزلنا
مشكلتي مش معاكي و النهاية مش بإيدي
كنتي بلادي و كل كلامي ليكي ده نشيدي
و زي بلادي تقولي دايما جاية و مش بتيجي
البعد سيدك و انا ف البعد عنك حزني سيدي
الصمت في كلامك كلامك كان صامت
و صامت نفوسنا في الحب و بتجوع
اختارتيلنا البعد و بلادنا دي احتارت
و ثارت م الجفا و غرقت ف دموع
و اتدارت ف ستارة الملل
routine
واحشنا ان نبقى في البعد وحشين
العشرة ب تراب و رجعنا اغراب
و اخر كلامنا سايبينه ع ال
seen
و بزعل عالوقت صورنا مع بعض
ساعات كلامنا كنا بنرغي فيها نسهر
بزعل عالوقت العمر بيمر
عدى بينا و احنا مش حاسين بنكبر
كل وعد بيننا فاني الحب مش مصيرنا
مهما تفوت سنين علينا برده ف يوم مسيرنا
نقع و نقوم نحب جديد و ماضي عدى و الاكيد
تكمل حياة اتخيلنا عمر م تكمل يوم ب غيرنا
بزعل ع الوقت .. صورنا مع بعض
الحضن ف الشتا .. البرق و الرعد
كل حاجة تهون دي لما ..
ندفى في اللمة
ف يسهل الصعب
لهم شيلته ..بسبب حبي شوفت النار دي جنة
كل حاجة بتدبل مع الوقت احنا
ملناش نصيب في شخص ولا النصيب ف الرحلة
كثلج القطب سيحنا ندعي القلوب تسامحنا
كل اللي سيبناه حزن ف نندم ليه فرحنا
خسران مهما سألت مين غلطان
قطر الحياة مش واقف احنا ع القضبان
كان حلمي تبقي الرحلة و اني اكون قبطان
بنيت سفينة بس غرقت في الطوفان ف الآخر
حياتنا هتكمل و تكمل و تروح
و نعاني و نحاول نتكلم نتألم
و مسيرنا نتعلم من كتر الجروح
نتأمل حياتنا في البعد و نسلم
و عارف دي قسمة و نصيب و بتكمل
حياتنا من غير اللي عشنا نحبهم
نسيب الغريب يوم يقرب منهم
و عارف احسنهم اني اوحش منهم
بس بزعل عالوقت صورنا مع بعض
ساعات كلامنا كنا بنرغي فيها نسهر
بزعل عالوقت العمر بيمر
عدى بينا و احنا مش حاسين بنكبر
كل وعد بيننا فاني الحب مش مصيرنا
مهما تفوت سنين علينا برده ف يوم مسيرنا
نقع و نقوم نحب جديد و ماضي عدى و الاكيد
تكمل حياة اتخيلنا عمر م تكمل يوم ب غيرنا