كلمات Aswaat
و كل يوم بقوم م النوم
بسأل ايه تاني
بفكر ليه مش فهماني
كل الحاجات الحلوة سيباني
جربت تكون مهموم
و تكتب ف أغاني
تحب تهيم في الحب قلوب
و تلاقي حبك اصلًا كان فاني
(كله فاني بس انا اللي كنت بكدب و مصدق)
عايزة القلوب ف قلوب
و انا عوزت كتير ف قلوب مش عايزاني
ف حالتك دي مفيهاش لهروب
كنت المجني عليه و بقيت
عايش ب احزاني مبسوط بيها بتسند
جنود افكاري في ليلي تتجند
من برا سكوت جوايا بتكلم
تكتر اصواتي و انا بتجنن
تكتر اصواتي و انا عايز امشي
نايم من برة و مبنامش
كل ده ايه لزومه
ليه تجيلي في النوم
بتقلب ب جنون
بسأل ايه تاني
بفكر ليه مش فهماني
كل الحاجات الحلوة سيباني
سيباني ليه ف دموع
و ف غيري بتداري
و في الحالتين هكون موجوع
ف ياريت تكدبي و تقولي دا كان اجباري
ادي ف علاقاتي القاب القاب
اعمل ف أغاني ارقام ارقام فلوس
أشيل ف حمولي اطنان اطنان
ارجع و افتكرك اكون قرفان
اعلى أبني و يتهد في حياتي و رغم الظروف
أمشي و أتطور و أتعلم و أشوف
في كل اللي باعني أسيب
كله بعيد و انا أبعد قريب
هو انا مش مفهوم؟
و بسأل ايه تاني
بفكر ليه مش فهماني
و كل الحاجات الحلوة سيباني
سايبة الأصوات بتطوف
بصرخ مش سمعاني
انا شوفت كتير و ياما هشوف
لكني اتمنى مشوفكيش من تاني
….