كلمات اوضة ضلمة
فكر ف الاهل فكر ف المستقبل
انسى امبارح وانهاردة اجمل
عشان طببعى بكرة هيبقى اسوء
زى قرن خروب لونه ليل اسود
مش عارف انام مرتاح
عشان مفيش مجهود
مش عارف اقول برتاح
عشان لسا فى مجهول
ف الغربة ساكن الليالى
كأنى ساكن الملاهى
ديما ساكت بس ف بالى
كلام داير جوا دماغى
بفكر فيها ليه مسكانى
وهيا فى قربها ليا بتعانى
ازاى هيا لسا شريانى
وغيرها كتير بيعانى
قاعد ف الغربة وحيد فى اوضة ضلمة
حابس نفسى جوا غلطة
لسا مش عارف بحببها ولا بكرها
وكل يوم ليا بقربها
فى ضوء شمس داخل من الباب
والشمس مش بتورح من البال
زى كلام محفور فى كتاب
ومحدش عنه فيوم قال
بفكر امتى انزل اجازة
واحس لو بيوم لذاذة
امتى اشوف الاهل والصحاب
امتى انصب المايك واللاب
وقول كلام كتير محبوس
جوا دماغى فى تروس
كأنى جوا دماغى ممسوس
او من سلك عريان جوا مخبوص
كله فاكر ان مطنش ومش بسال
الحقيقة الكله عنها يجهل
ان نفسى ارن واتكلم واسمع
بس كلو بيقول امتى هرجع
مش عاوزين يعرفو عامل ايه
عاوزين يعرفو عملت ايه
عاوزين يشوف هتعمل ايه
وحوشت فى الغربة كام جنيه
يبنى بس اسمع دا المستقبل
اعمل لنفسك بكرا اجمل
فكك من انهاردة اسوء
وامبارح اكيد كان اسود
بطل تفكير ونام مرتاح
اقفل على دماغك بالمفتاح
مش مستاهلة بكرا ترجع
ونشوفك كام يوم وهترجع
احنا عاملين لمصلحتك بنطمن
قولنا بس عملت ايه ف نكلم
كانك فى جيم دومنة وبتضمن
الحقيقة انك بعده هتقوم وتسلم
اكيد قاعد لوحدك وخاربها
مهو اكيد بردو شاغلها
و فى بنات بتكلمها
فى كام واحدة مصاحبها
متفهمنيش انك كل دا شغال
اوعى تقول انك مشغول البال
ايش سافرت وصار عندك ولاد
ولا غرتك اضواء البلاد
صعب عليا ان مش عارف اكلمهم
مش عارف حتى لو دقيقة افهمهم
ان الحياة مش حلوة زى مفهمهم
وان كل حاجة هنا عكس مفاهمهم
سهران طول الليل بتحب ف مين
اكيد واحدة من البنات الجامدين
او سهران ف سهرة رايقين
وهما ف الحقيقة مش فاهمين
ان بفكر امتى اشوفهم
طب يترى قصرت معاهم
طب يترى اى ظروفهم
طب اتعشو اى ف مساهم
قالت رغم كل دا حباك
وانت البعت مش انا البيعاك
انت المشيت يوم مكنت بستناك
لسا عندى امل ليوم رجعاك
واقف ف الاوضة الضلمة باصص على ضوء الشمس
على رقبتى حبل من حبال اليأس
و ف دماغى صوت بيقولى يلا بلا هم
من امتى وانت كان عندك دم