كلمات صحراء
كل حاجة ببلاش
كل حاجة براحة
مفيش هنا راحة
كلو فى الجلاش
عاوز توصل للطريق
ومفيش عندك طاقة
زى ف الصحرا بطريق
شبح ومقطع البطاقة فاهم المعنى
ارفع ايدك للسما
ادعى بكل الاديان
ادعى لكل الاسماء
يمكن حد يسمعك
يمكن تبقى م السمك
وتنسى كل الحصل
يمكن تبقى فوق
مش غنى فى السما
بدخل جوا راسى اتوه
كأنى فيوم مكنت موجود
او راس حد تانى مفهوم
ليه بتمنى الموت
بس قولى ليه مخنوق
شغال والدنيا فوق
دماغك وانت مهموم
يبقى لازم تموت
ليه عاوز الجلاش
والكوسة هنا ببلاش
ليه بقيت خفاش
او بقيت حشاش
متخفش محدش خش
ليه صوتك بقى اجش
من امتى وانت هش
من جوا زى عود قش
من امتى وانت مبتنمش
عينك كأنك مبترتحش
خدت منوم ولا لا
خدت وبردو منيمكش
صدقنى محتاج ترتاح
مش كام يوم وخلاص
لازم توصل للنجاح
وتوصل للخلاص