كلمات ياسيدي
🎼 ألحان: فهد الناصر
حنا طويق ومنك زدنا صلابه
حنا يمينك سيدي لا عدمناك
حنا سما النجم البعيد وشهابه
وانت الطموح وشامخ المجد يزهاك
من غيرك محمد عظيم المهابه
يا سيدي روس الطويلات مرقاك
العز لك يا امير نوخ اركابه
شروا الصقيل وسله السيف شرواك
سلمان ابوك وكل خايف لجابه
عند اللوازم للشرابيك فكاك
الا اعتزيت وقلت وين الذيابه
حنا الجنود اللي تحت امر يمناك
من كل قوم وكل ديره ولابه
نرمي عمايمنا وبالروح نفداك
وانتم هل العوجا نهار المجابه
يدرون بك ذولا ويدرون ذولاك
حنا طويق ومنك زدنا صلابه
حنا يمينك سيدي لا عدمناك