كلمات أم الشيوخ
ليلةٍ عانق مساها رفّة بروقٍ كريمه
في حضور اللي ضياها كمله ربي و ادامه
افهده محدٍ سواها سيرة المجد العظيمه
خصها الله من صباها بين تاريخ وزعامه
لقايد الامه رفيقة درب جعل الله يديمه
وام قايدنا ولي العهد دام الله مقامه
يا نظر تركي وفرحة قلبه وخفقة صميمه
يافهده ياام الشيوخ ومبتدا العز وختامه
من هو اللي مثل سلمان
سيدي خادم البيتين
ماحدٍ كود ابو سلمان
محمد وحي ذاك العين
منسب امه على راكان
ام الابطال والوافين
ونعم يامنجم الفرسان
فهده بنت ابن حثلين
قلبها ماكنه إلا النور في لمعة سديمه
السديم اللي جلى من نوره الجهل وظلامه
لطفها نسمة سلام وعطفها هتان غيمة
هي هديّة من هدايا الله لنا حب وكرامه
بأسمها ياكم تحدّث نجم، لليل وعتيمه
وغطرفت قمرا وغنى بارق وهلت غمامه
المحبة ماتشع إلا من قلوبٍ عظيمة
وفهده يفرق وهجها فرق بدرٍ في تمامه
من هو اللي مثل سلمان
سيدي خادم البيتين
ماحدٍ كود ابو سلمان
محمد وحي ذاك العين
منسب امه على راكان
ام الابطال والوافين
ونعم يامنجم الفرسان
فهده بنت ابن حثلين