كلمات خناقة فركشه
انا وحبيبتي اخر جمال وكلامنا همس ووشوشه
ومروقين وملطفين والليله انس وفرفشه
وفجاه تحصل حاجه تافهه نفتح مناقشه ودردشه
وكلمه منها على كلمه مني تقلب خناقه فركشه
سمنه وعسل بقوا نار على نار والصوت مسمع سابع جار
وخد وهات طلعت اسرارنا وبقت خلاص نشره اخبار
واسيبها تهدى بتشعلل اكتر المسها تنزل خربشه
اجي مصالحها بهديه غاليه وعزومه حلوه على العشا
يومين وتحصل حاجه تافهه نفتح مناقشه ودردشه
وكلمه منها على كلمه مني تقلب خناقه فركشه
انا اقول يا ناس مخها مرووش وتقول طهقت مبحبهوش
ونمتحن كلام الخناق في ليالي البعد يطلع فاشوش
نرجع نحن لذكرياتنا وللطريق اللي اتمشى
واقول حبيبتي تقوللي روحي ودموع واحضان كلبشه
يومين وتحصل حاجه تافهه نفتح مناقشه ودردشه
وكلمه منها على كلمه مني تقلب خناقه فركشه