كلمات لو صادفنا
✍️ كلمات: مصطفى ناصر
🎼 ألحان: مايكل صفوت
مكانك فينك وفين اراضيك وعايش بعد مني لمين
ما قلتش ليه
في يوم ما مشيت بعيد الصبر اجيبه منين
حاولت انساك واهو النسيان
كلام ماطلعش في الامكان
عشان انساك عايز فوق السنين دي سنين
لو صادفنا واتقابلنا ثاني
هتلاقيني لسه انا في مكاني
لما بعت الخوف اشتراني وعشت انا فيه
ليك في قلبي وحشه كل ليله
واعمل ايه مافيش في ايدي حيله
لو رجوعنا فكره مستحيله هعيش انا ليه
في يوم ما مشيت
ومن اول عينيك ما قالوا ليومها سلام
بقوا الايام ما فيش فيها اللي هيصبرني على الايام
بقيت عايش كاني بموت
بحايل في الليالي تفوت
عشان يمكن تصادف ليله تجمعنا في يوم قدام