كلمات تسجيل الامجاد

راكب اللي لا استوى الخط فعله بالمسار
يشفي الكبد الغليله من اللي صابها
جيب متونه تضف الهبوب اليا استدار
ضفة المشلح ل ابو هقوة يدعا بها
من عزومه ودك انه على مدرج مطار
لين يغيض الطايره لا اعتلى مرقابها
يهدر مثل الفحل و يعبر مثل الحرار
وكامرات الرصد ماهو يحسب حسابها

لا شهر سيفه خصومه تطيح رقابها
من ضنا اللي لا اعتلو فوق قبات المهار
ابتدى تسجيل الامجاد يا كتابها
يومها ب الرمح والسيف دون ام الحوار
كل عجمي لا تقفى السرايا جابها
يشبع بمركاضهم كل طير و كل غار
الثرى ب سباعها والسما بعقابها
والهذيلي دون واجبه ما اسوق اعتذار
القريحه عند مدحه تشرع بابها
انت ابوك اللي فعوله ما تذكر باختصار
كل قمة مدح لا من طرا طلنا بها

وقفته اتكفي الدار عن غيابها
بشر الشعب الكويتي جهار من نهار
الكويت محرره وانجلى مصابها
الله من كثر السطر والله من كبر الوقار
واسم تفاخر به عجيم عند اجنابها
وانت يا سلمان قسمك من الطيب الفقار
شوق عين اللي تحط الكحل في اهدابها
تصطلي في راسك حميه ونار وشرار
نار عز مرتبط بالنعم شبابها
سمعتك يثبت عليها الثنا و الافتخار
مثل ما تثبت على وجه الارض هضابها
جامع دين و عجب عين لـ طوال العمار
مقدم لـ محرابها مجري هيابها
تشرب دلال القشر مثل شرب ام البهار
زلوا اللي فاحت ليا حضر شرابها
الفعول كبار يا عجيم و الاسما كبار
لابة لا حان طاري المديح ابدا بها
و الخصال الطيبه اللي ما يحصرها حصار
ما تبا الا الاد مرزوق من خطابها