كلمات مشيتي و سبتيني
✍️ كلمات: امير طعيمة
🎼 ألحان: محمود العسيلي
فاكره لما كنا انا وانتي لسه صغيرين
لما كنا بنحلم يوم بنطول السحاب
واما كبرنا فجاه انتي اتغيرتي مع السنين
لما احتجتك فجاه لقيت
كان بينا في خيط من ايدك اتساب
كنتي بتحبطيني بتقولي يعني هيعمل ايه
انت بجد ضعيف موهوم وهتفوق في يوم
واتقلبت الايه ووصلت للي حلمت بيه
شوفي بقى انا فين وانتي فين
ودلوقتي مين يندم على مين
ومشيتي وسبتيني دلوقتي انتي رجعالي ليه
الحلم اللي تعبت ابنيه مش هتعيشي فيه
ومشيتي وسبتيني دلوقتي انتي عايزاني ليه
مش ده اللي انتي قللتي منه ومن حلمه واستهترتي بيه
الدنيا دي بحالات طايره بجناحات
تخسف بيك الارض ساعه وتعليك ساعات
واللي برخص باعك بيعود بلاش
واللي وقت ما تعلى جالك اعتبره مجاش
ومشيتي وسبتيني دلوقتي انتي رجعالي ليه
الحلم اللي تعبت ابنيه مش هتعيشي فيه
ومشيتي وسبتيني دلوقتي انتي عايزاني ليه
مش ده اللي انتي قللتي منه ومن حلمه واستهترتي بيه