كلمات 8 سنين
لما كان سني ٨
كنت عايش دنيا تانية
دنيا اجمل فيها أول كل حاجة وفيها خير
فجأة بصيت في المراية
شفت قدامي الحكاية
عمري كله فات قصادي ثانية فيها سنين كتير
طفل عنده ٨ سنين
شفت ايه او روحت فين
وقتي فاضي وصوتي هادي ولسة ببدأ سنة سنة
قلبي ماعرفش الوداع
عيني ماداقتش الخداع
لسة عيل حبتين
ماشي بعينين حيرانين
رغم سني حاسس إني لسة عندي ٨ سنين
عمري بقى ٢٠ سنة
حلمي ابعد من هنا
بس حاسس نفسي تايه بكرة شايفه سؤال غريب
٣٠ سنة ولسة شباب
بس سرحان في الغياب
مين مسافر مين هيفضل م القرايب والصحاب
من إيديا سنين بيجروا
يكبر ابني وأهلي كبروا
دنيا لفت بيا بين أحضان لقا ودموع غياب
سني ٤٥
مجتهد عاقل رزين
٧٠ سنة عدت أوام
اللي قال حسن الختام
واللي قالي العمر ايه غير بس أرقام والسلام
تهت بين حيرتي وظنوني
كتير ولادي بيوحشنوني
جسمي بارد عقلي شارد بس قادر ع الكلام
لسة عيل حبتين
ماشي بعينين حيرانين
رغم سني حاسس إني لسة عندي ٨ سنين