كلمات امن الدواسر هل الخوة

استَنتَق الحَرف فِكري لِين باحَ الكنين
قامَت هَواجِسي القَشرا تَجيبُ خَبري

ياهاجِسي لاتَجاوبُ كُل طاري حَزين
استَقبِل المَقبِلات بِكُل عَزم جَري

حَنا هَل الشِعر مِن جِداني الأوَّلين
ياقوم ياشِعر أبو تَمام والبحَتري

أنا انطَرب لأبدا ميقاف لِلطيبين
حَتى القَلَم والورق يَتعبُ لا هاضَ بحري

اكتبُ قصيدة وأغيّر قافَها مَرتين
مِن شافَ حالي يَقولُ العود ماهو صَري

يامَسندي شَغل اللي ماقَنتيه بدين
جاني مِن اللي لِياضاقت ماهو يحَتري

يَجيبه بسطحته ويُطلق بكَلمتين
يابيض غَني لنَاصر وأفخَري وأفخَري

وخَلّه يَروحُ ويَفهق زَحمة السايدين
وَأنا تَرى حَزة اللازم ما أديرُ ظَهري

الدواسر عوقُ المَعادي
والدواسر زَبَن المَنادي
والدواسر لا اعتَزوا صاحوا
لابتي خَطلان الأيادي

مَنصاك حَفل مُشيد عِند ذَرب اليَمين
شَيخ صَدا سَمِعته في زَحل والمشَتري

سَتر لِيا عَدوّ أهِل الطيب فَعلَه يَبين
مَعروف رَمز الفَخر مَزبان لِلمُعتري

يَعيش سَتر العَذاري مُخضبات اليَدَين
فَعلَه لِيا عَدوّ أهِل الفِعل ماهو عَري

لِيا اعتِزاء كُل قاسي بأمر رَبي يَلين
واليا وَقَف يَكمِل حُقوقه ولا يَفتري

جاهَه يَفكُ أرقَبَه مِن تَحت سيف سَنين
ومالَه لا جاءَ واجِبَه يَفنيه ما يَذخَري

أبو هَلا وارحَبوا في كُل دارا وحين
مَنصى العَرب مَجلسه بَين بَدوي وحَضري

يَفداه مَن يَقفِل المَضياف بالدَرفتين
ياستَر تستاهل الشِخه وبَشت الزَري

مِن عَزوة فاللِقاء تَدحم بِجنب مَتين
مِن نَسل راكان قوم النِعم لامِن طَري

الدواسر عوقُ المَعادي
والدواسر زَبَن المَنادي
والدواسر لا اعتَزوا صاحوا
لابتي خَطلان الأيادي

أَمِن الوَداعين قوم العِز دُنيا ودين
كَسابة المَدح قَبل الشِعر فالمنبَري

أَمِن الدواسر هَل الخُوه مَع الغانمين
مَزبان مِن ضِدّته دُنياه والمَعسَري

دخيلهم في الجَهل يامن مِن الغادرين
يَكفيه وَسم العَصا لو كان عَظمه طَري

قُلتَه وَرُبعي قَبل ما يصنع المارتين
قَحطان في ذِكرهم شايش وأنا عَنصري

تفاصيل شيلة امن الدواسر هل الخوة

المزيد من شيلات فهد بن فصلا