كلمات دموعي مغرقه عنيا ( سلام سلام خلص الكلام )

زميلي رشد وسلمني
بريء، بس إنتو ظالميني
غبت شوية نسيتوني
ما شفتش حد كلمني
سبتيني ليه؟ هتقولي إيه؟
غير إنك إنتي بتكدبي؟
وظلمتي قلبي وبيعتي حبي
وبعد قربي بتقلبي
كيمو الديب

دموعي مغرقة عينيا
كرهت حياتي والدنيا
ما حدش عمره فرحني
ونفسي أفرح ولو ثانية
لوحدي، بس أنا مكمل
ومهما جرالي هتحمل
طريق وحالف لأكمله
ومش هقف ولا هفرمل

سلام سلام، خلص الكلام
مع ناس بتعشق دمعتي
لا مش حبايب، دول مصايب
كله نفسه في وقعتي
ما لقيتش حد في شدة سد
وكله باعني في شدتي
كان لازم أنسى بجد وأقسى
وأحب بعدي ووحدتي

أنا بحمد ربنا وشاكره
ده اللي ناسيني مش فاكره
صحابي صنتهم خانوا
وبعد ما شلتهم نكروا
ما حدش حبني حقيقة
ما حدش جنبي في الضيقة
إستقووا ع اللي قواهم
ونسيوا العشرة في دقيقة

جرح وفراق، كتر النفاق
والطيبة كانت غلطتي
الحب فات والقلب مات
والدنيا سرقت ضحكتي
الشر ليه ألف إتجاه
بس الأذية مش سكتي
والدنيا مهما جت عليا
ما غيرتش شخصيتي

هعافر لو لوحديا
هعاند دنيا عنادية
أنا أقتل نفسي أهونلي
ولا إني أمدلكو إيديا
زميلي رشد وسلمني
بريء، بس إنتو ظالميني
غبت شوية نسيتوني
ما شفتش حد كلمني

الجرح كافر، مهما أعافر
عيشتي حالفة ما تتعدلش
واقف سندال بين الأندال
والدنيا ماشية وما بتقفش
طال الغياب وقفلت باب
الحب، أنا مش هحبهم
القرب غلطة، الصحبة ورطة
ومش هكمل جنبهم

تايه، مش عارف أنا مالي
في ألف حوار شاغل بالي
ما كنتم أغلى ناس عندي
وإنتو ما عندكوش غالي
هعاشق صمتي وغيابي
بجد كارهكو يا صحابي
أصل أنا في أيام الشدة
ما شفتش حد على بابي

سبتيني ليه؟ هتقولي إيه؟
غير إنك إنتي بتكدبي؟
وظلمتي قلبي وبيعتي حبي
وبعد قربي بتقلبي
هنساكي عادي ولو قصادي
برضه أنا هستجهلك
وبجد قلبي هموته
لو بس مرة إشتقتلك