كلمات غازي
في الختاميات وسباق الاصايل
واستوى في محفل المركاض لمه
واحضرن سبق من زمول وذلايل
واستوى الترشيح والترشيح ذمه
رشحو ياللي لها فعل ودلايل
والمرشح دوم ترشيحه يهمه
قدموهن عصر من بعد القوايل
في ختام الركض والمركاض قمه
السبوق اييبها والسبق همه
يشتري من ندر الهجن الاصايل
لي تشل الرمز والشامي تشمه
من صغار السن ولا شن حايل
يشتريهن والخسارة ما تهمه
عزبته من خيرو الحول الاصايل
والسبوق اللي مثل غازي يهمه
غن له يالغر منسوع اليدايل
بو محمد لي وعد قوله يتمه
راعي الحرشا معود ع اليمايل
كم رمز وكم درع وكاس لمه
بو حميد المدح والناموس لمه