كلمات انتي علي بابا لـ

إنتي علي بابا و100 حرامي
والسندباد وألف ليلة وليلة

وإنتي البسوس اللي ذبحها الحيامي
والرمح يا جسّاس عين الجليلة

آسف جرحتك في بداية كلامي
يا فاتنة كلّ الرواة الجميلة

غصبن عليّ إن زاد فيك اهتمامي
أحيان مال القلب بشوق حيلة

ودّي أبرّر للغياب انتقامي
وأحاسبه وأزعل منه وأشتكيله

اللي خذا قلبي وخلّ عظامي
كلّي بقايا حيّ ينخى قليله

شوفي مداي وجرهدي واحتدامي
وعسّي مصابين الجروح النزيلة

وارقي على متن السحابة ونامي
واصحي على صوت المطر وارقصيله

من بعدها باقة ورود وسلامي
وأشره على اللي ما يواصل خليله

أنا صريح وكلّ عاشق نظامي
لو شحّ يدين الحظوظ البخيلة

الواقع القاسي وحلم العصامي
أركى على متن الثقيل الثقيلة

بين الرجاء واليأس مثل العسامي
يضيع فيها العارفة والدليلة

شدّيت باليمنى الرسن والخطامي
وإنتي بمتناول يدي مستحيلة

لا تنشدين ليه مدري علامي
قصّة غرامي سالفتها طويلة

شيلة انتي علي بابا – سعود الصليلي
Anti Ali Baba – Saud Al Sulaili

المزيد من شيلات سعود الصليلي
عين وهدب
جاملتهم
حبيت بضمير
من يومها طفلة
الطرف الكحيل