كلمات ٢٦٥

٢٦ الخامس من كل سنة ببص لنفسي جامد و اسأل مين انا
مع كل سنة بجاوب اجابة فيها خلل
مع كل سنة بشاور اشارة ليها هدف
كتير منهم بيحبك بيضيف لك شغف
و الاكتر منهم بيسبك بيسببلك تلف
٢١ سنة بتمهم ١٠٠ سنة
و لو بايدي مش هعيد فيهم ولا سنة
ولا فرق  ولا ندم ولا الم
ولا قلم قادر يكتب كل اللي حصل من سنة
كل اللي حصل اتنسي ولا فرق ولا ندم ولا هدم
كل اللي اتبني اتهدم انت قلت فين النفس
———-
القصة من اول ما صحيت بتدقلج في المركب
بالصدفة كنت بتقلب لقيتني صاحي بتشقلب
بتألم من رحلة كانت بتتوه صاحي بتشنج
متشوه صاحي متبنج متخون صاحي بتلجلج

بصيت في مربع ازاز مكسور من مرايتي
وشي متبهدل مش شايفه مش شايف ملامحي
لبسني وش جديد  لبسني غصب عني
حلقلي دقني طولي شعري قفلي فمي
———
انت كل سنة بتعمل فينا كده
كل سنه بنتوه بنلبس وش كده
مش مفهوم لحد كله سأل ايه ده
كله سأل مين ده زياد بجد مين ده
———
ده انا
ايوا انا مخه انا عقله
ماسك عصب جسمه لحد ما اكله
ماسك في مش سايبه لحد ما ننزل قبره
هزرع ارضه ورود سوداء لحد ما كله كرهه
منك انت قرفو
مفيش غير شغل بس
مفيش غيري  انا و انت نركز نجري بس
مفيش حب لا
اكل نوم و تمرين و نعيد الدايرة لحد ما توصل غصب
———-
بشوف ايه اللي ناقص و اعزز في
بعد ابوه ملقتش حد يسأل في
زرعت في كره سنين للبني ادمين
اهله  خط احمر و محدش هيعديه
صحابه خسرهم ورا بعض مش فارقين
الدنيا كورة و ملعب مبيفهمش غير دي
اكتر واحد لعب و اكتر واحد بيخسر لسنين
مش حزين مش جديد لسه  كتير
———
راضي بالمكتوب من ١٠ سنين
مكنش موهوب مكنش حد يبص لي
اكل مع نوم و ضحك من غير تمرين
بجد ده عيل عنده١٠ سنين عاش حياته برئ مكنش فارق لي تدوس الدنيا  عالناس مش عارف ايه مستنيه تيجي تلف و تدور و الناس تدوس عليه
مش فاهم اللعبة بس كبر خليته لعيب
————
بس كفاية
مش لازم نثبت كل شوية
محدش كان فارقله
محدش كان هامة الهوية
انت ايه انت مين
جثة ميتة بتلمع عالفاضي و من جوا مهوية
————
انا زيدوش انا انت انا الماسك
بتسخبي فيا عشان بعملك قصد
فاكر نفسك شئ من غيري انت فقر
كله بينافقك افتكر  ملكش ضهر
ملكش لازمة محدش حبك معكش اب
مشفتش واحدة محدش قرب عشان رفضت
مكنتش فارق طول عمرك ضايع معندكش صبر
و لو بايدي اقتلك  صدقني ملكش حظ