كلمات لي من ذكرتك

لي من ذكرتك حبيبي هلت الدمعه
من هاجسي لاهب الدمعه يصحيني
قالوا ذهب غالي وغرتني اللمعه
يا قدره الله بقلبي غرته عيني

فرحت ساعه لقيت بكفك الشمعه
اثرك تبي تحرق اوراقي وتلهيني
اشوف عندي هموم الناس مجتمعه
لا زاد همي دعيت الله يعافيني

ما هو بقلبي العواذل غيروا طبعه
انته الذي قلبك اصبح ما يراعيني
ما اشين من اللي حبيب وناسي ربعه
ومثلك على قلبي المظلوم ناسيني

ما شفت عندي امل يا شوق للرجعه
اقرب قريب ولكن جاهل فيني
ماهي بعاده انادي الناس للفزعه
فضحتني وحكم ربي فيك يرضيني