كلمات يامودي

سيّدي لولاك ما جينا
ولا على شانك تعنّينا
حيثك إنته بالحشى غالي
و شوفتك بالعين تكفينا

يا غلا العنين لو تدري
عقبكم وش لي حصل فينا
كنّها الأيّام ذبّاحه
كم خذت غالي و تشقينا

كلّ ما عشت الهوى سلوى
ردّت ألايّام ماضينا
ما لهاني الوقت من دونك
كلّ ممسى فيه تضوّينا

اتأمّل فيك واغنّي
لو تخلّى ما تخلّينا
وكلّ موقع فيه يطرونك
أوصله لو ما تلاقينا

اوصله واقول ياقلبي
وش على اللّقيا يودّينا
الزّعل منّي وهو منك
وكلّنا فيها تمادينا

لين شفنا الوقت ما يمهل
ولا من اوجاعه تعافينا
لين ردّ الوقت في حالك
وردّ حالي يوم ردّينا

يامودّي لو على ودّي
ما تبعّد من مرابينا
يالزيم العين والخافق
الوصال الصّدق يحيّينا

سيّدي لولاك ماجينا
ولاعلى شانك تعنّينا

شيلة يامودي – هادي بن جابر
Ya Moudi – Hadi bin Jaber

المزيد من شيلات هادي بن جابر