كلمات في ست ايام
✍️ كلمات: خالد الشيباني
🎼 ألحان: وائل عقيد
في ست ايام خلقت الكون
وقادر تخلقه كن فا يكون
بقدرتك انت مش محتاج لا كاف ولانون
وحكمتك اننا نصبر على الايام
ما نستعجلش لجل نحقق الاحلام
ما نستسلمش اصل الصعب بكره يهون
نبينا صبر على الهجره
علي اللي اذوه من الكفره
وموسى في مهده جالو فرعون
وناولو على اللسان جمره
ويوسف غدرو بيه الاخوات
سنين في السجن كان بيبات
وعيسى في دعوته حاربوه
عينهم كذبت ايات
ورغم دا كله قدرو يوصلو الرسالات
بصبرك اللي مكتوبلك مسيره يكون
في ست ايام خلقت الكون
وقادر تخلقه كن فا يكون