كلمات يا مقبل يوم وليلة - الفلاحه
✍️ كلمات: محمود فهمي ابراهيم
🎼 ألحان: فريد الاطرش
يا مقبل يوم وليله
اطوي السكه الطويله
وديني لبلدي المحبوب
وديني للزينه الفلاحه مشتاق وقاتلني الشوق
والعشق يا بوي مش بالراحه لا العاشق ولا المعشوق
من يوم ما رايت الفلاحه
تخطر فى الغيط الفلاحه
قلت انا حبيت الفلاحه
وسافرت وجيت للفلاحه
والشوق دوبني دوب
يا مقبل يوم وليله
اطوي السكه الطويله
اللى بجهادها الفلاحه
هي واولادها الفلاحه
تفدي بلادها الفلاحه
وتوهب فؤادها الفلاحه
لوطنها شمال و جنوب
يا مقبل بين خضره وميه
ميتى نلقى ابو وجه مليح
وحنوصل غدى ولا عشيه
روح بنا روح سابق الريح
رح تلقاه سارحه الفلاحه
واقفه من امبارحه الفلاحه
ترقبني بفرحه الفلاحه
وتقول بالطرحه الفلاحه
سلامات واللقى مكتوب
يا مقبل يوم وليله اطوي السكه الطويله
سمرا و سمارها الفلاحه
قمره في دارها الفلاحه
والدار دي عمارها الفلاحه
ما تسيبش تارها الفلاحه
يا ام العيون سود سباني لونك الخمري
يا سحر م الشرق افدي الشرق انا بعمري
سباع وغزلان والحان من غنى القمري
يا مقبل يوم وليله اطوي السكه الطويله
وديني لبلدي المحبوب