كلمات الكويت هي بس الوطن

وطن وطن وطن
الكويت هي بس الوطن
بعيوننا بقلوبنا
الكويت هي بس الوطن

كلمه لها معنى كبير
يعني شهيد يعني اسير
يعني ولاء يعني انتماء
للي عطى لاجلك كثير

يعني حياه يعني وجود
يعني وفاء ماله حدود
يعني اذا نادى الوطن
كلنا ترى لاجل جنود

حب هالوطن فينا طبيعه
حضر بدو سنه وشيعه
ما نبيعه ما نبيعه ما نبيعه

رغم المحن
ما بيننا اصلا فتن
لاجل الوطن
ارواحنا ارخص ثمن

يد وحده كلنا
نموت وتحيا ارضنا
صف واحد واقفين
ما حد يفرق بيننا
والعمر واحد
والرب واحد
والشعب ما يخاف
من صوت حاقد

بسهر على شانك
وبايدي بداويك
واقول عسى كل جرح
فيني ولا فيك
وبمسح انا دمعك
يا بلادي بكفي
واقسم لاجل عينك
عيوني ما تغفي
ياللي على صدري
اسمك حفرتيه
بحيا على ترابك
واموت انا فيه

كفو كفو ابطالنا والله كفو
اللي تعبوا واللي سهروا
وللي صبروا وما قصروا
قولوا بتعدي بتعدي
باذن الله بتعدي
واقول انا كويتي
انا كويتي من قدي
والشر نشوف راح
وقلوبنا ترتاح
وتدوم لنا الافراح
والضحكه واللمه
هذي ترى الكويت
هذي الفخر والصيت
حفظها رب البيت
ورفعها للقمه

بتعدي بتعدي
باذن الله بتعدي
واقول انا كويتي
انا كويتي من قدي
كلنا بتعدي بتعدي
باذن الله بتعدي
واقول انا كويتي
انا كويتي من قدي