كلمات حضرة المارد

قلبت الارض
طول وعرض
وانا ادور لقلبه حل
عجزت اوصل
وقلبي مل
وشوق داخلي كابوس
ذبحني الليل
هم و ويل
وصدري ضاق ما اتحمل
الا يا ليت
انا اتمنيت
وجاني مارد الفانوس
انا يا حضرة المارد
فقط عندي طلب واحد
ومالي في الطمع وارد
ولا عندي طلب ملموس
ابيه يحس محبوبي
بحبي ويتجه صوبي
ويلبس في الهوى ثوبي
وياخذ من غرامي دروس
ابي ينهد
حيط الصد
وقسوة قلبه تتبدل
واشوف الزين
كله لين
وحبي داخله مغروس
يقول اهواه
يوم القاه
واصير بعينه الاجمل
وحظي يصير
فال الخير
وما اشوفه ابد منحوس
ترى
يا حضرة المارد
تعبني دمه البارد
لانه يصد ويعاند
وانا بالحب له ملبوس
ابيه يداوي جروحي
ويفهم صمتي وبوحي
وروحه تنتمي لروحي
وما يسمع ضعاف نفوس