كلمات زاد شوقي

زاد شوقي يوم طال الانتظار
والصدر ماعاد يقدر ياسعه

للسفر من يوم حددت المسار
قمت احدد كل ضحكاتي معه

يشبه شعوره شعور الانتصار
تنصف احساسك به وتستجمعه

وشوقي اثمن ماحملته بالمطار
جيت ابفصح عنه عند الامتعة

افتحوا كل النوافذ تنفتح معها القلوب
واربطوا كل الكابه بعد ربط الاحزمة

ومثلوا فن الملاحة وابدعوا من كل صوب
عن شروحات السلامة كل شرح استطعمه

اعتذر لك ياسحابة عن صدودي في الدروب
كيف يلهمني خيالي وانتي اجمل ملهمه

والهوا يرسل عتابة في مطبات وهبوب
كنت اخافه كنت اهابه صرت احبه وافهمه