كلمات بمزاجي

بمزاجي اعبرلك واعديلك
بمزاجي تغلط واني امشيلك

بس ليروح بالك تكدر اتذلني
سهلة اكلب عليك وكلشي ميهمني

واشوفك وجهي الثاني التندم اذا شفته
واغير كلبي عن حبك مثل ما انته غيرته

راسك بالك اتكبره لاني اني اللي كبرته
طير شما كبر صيته تبقى السما الساترته

خليني الك ستر وغطه لتبلش ويه كبار
لك جر عدل لا ينكلب السحر ع السحار

متكدرلي اذا خليتك براسي
واذا اقفل امسحك وامسح احساسي

لتخليني اشوفك عيني الحمرة ما اهتم
ما اهتم وابيعك والعن العشرة ما اهتم

ما اهتم واعوف بساع سهل من عندك اتبره
صح شايل كلب واحساس بس عادي انكلب صخرة

خاب شبيك كل عقلك تحفر بير بالابرة
هسة بكلبي بس فد يوم بسهولة اطلعك برة

خليني الك ستر وغطه لتبلش ويه كبار
لك جر عدل لا ينكلب السحر ع السحار

لا تتكبر ترى صدفى تجي ابالي
اليوم غالي يجوز باجر ماكو غالي

لتوازيني اسوي اشياء ما احبها
مامجرب الخيانة وسهلة اجربها

مثل ما اصعدك على الغيم انزلك عادي جوة الكاع
بكيفي اشتاك مامجبور بس مو تنكلب طماع

شنو يعني اذا اضيعك اذا هوه العمر ضاع
تريد تبيعني قابل ترى المو غالي ما ينباع

خليني الك ستر وغطه لتبلش ويه كبار
لك جر عدل لا ينكلب السحر ع السحار