كلمات هموم الغلابة
شوفت فى ناس تايهين من روحهم
فاكرين الكيف هيريحهم
باعو ا الدنيا بكل ما فيها
وقاعدين يشكو لبعض جروهم
ولقتنى من غير ما احس
انا رايح ليهم وبكلمهم
عايز اخد وادى معاهم
واعرف منهم ايه اللى جرالهم
ايه خلاهم كدا تايهين
وبروحهم كدا مش حاسين
وياترى هما اللى بيستقوى
ولا يا ناس هما المساكين
روحت لواحد فيهم تايهه
قولت له ايه جواك احكيلى
قالى انا بهرب من اللى انا شايفه
وفضل ساعه يا ناس يشكيلى
اب وفاتح بيت وعيالو
هما حياته وشاغلين باله
والمطلوب منه يعيشهم
بس الغلى كدا شقلب حاله
ولقيت واحد حسيت انه
حمله تقيل وبجد حزين
قالى لما سالته
انا سنى قرب على ال35
عمال يجرى بيا العمر
وانا واقف ومحلك سر
خدت شهادتى وعمال اعافر
والدنيا دى سقيانى المر
ولفت نظرى واحد قاعد
شكله حزين وعنيه فى الارض
وحكالى حكايته وكان خايف
يسمعها بجد ياناس حد
اللى بيصرف على البيت اخته
علشان باع نخوته وشهامته
غمض عينه على اللى بيحصل
ساب كدا اخته تقل كرامته
وعنيا كدا لمحت واحد
شايل جواه حمل جبال
قلتلو مالك فضفض واحكى
قالى معنديش حاجه تتقال
بعد ما راحت امى الغاليه
وسبتنى وغضبانه عليا
مش قادر كدا اسامح نفسى
ولا اريح قلبى ولا عنيا