كلمات يا ورد ياللي الندى
✍️ كلمات: أحمد رامي
يا ورد ياللي الندى صبح عليك في السحر
ومال عليك النسيم لاعبك في ظل الشجر
تفضل تميل على أعصانك بين الأزهار
وكل من شاف ألو انك في بهاك احتمار
وان فات عليك الن هار وسهرت وياالقمر
يصبح عليك الصباح وانت في كف القدر
ياهل ترى قاطف غصنك ح يصون حسنك
والا يهون حسنك عليه ويدبلك وانت في ايديه
فيك ورد ضامه شفايفها تتمنى تحكي سر الضمير
ناعسة ولوحد لاطفها تصحى وتسقي كاس العبير
وفيك يا ورد اللي جمالها ظهر ونور ع الاغصان
كل العيون بتبص لها وكل فكر شريد حيران
ياهل ترى مين يقطفها غريب عن القلب ونجواه
ولا الحبيب راح ينصفها وتشوف نعيم الروح وياه
وانت يا وردة يا دبلانة ياللي جمالك راح
قضيت عمرك حيرانه والقلب كله يشوف حسنك
ولاحد عارف ايه في ضميرك
ولا حد شايف في الغيب مصيرك
يا ورد يالـلي الندى صبح عليك في السحر
احنا سوى في الهوى حاكم علينا القدر
فينا الـلي حب وعمره ما قال من كتر خوفه على حبه
يبات ليالي يناجي خيال وكان حبيبه قاعد جنبه
وفينا يا ورد الـلي تهنى بحبيب قلبه
استنى ونال الـلي اتمنى في نعيم حبه
واللي ضناه الزمان فرق ما بينه وبين حبيبه
وطال عليه الهوان مالقاش في دنيا الهوى نصيبه
يا ورد ياللي النسيم لاعبك في ظل الشجر
إحنا سوا في الهوى راضيين بحكم القدر
واللي انكتب لك على اينا يا ورد مكتوب علينا
ان كنا في الحب سعدنا يا ورد والا انشقينا