كلمات شغل الرب (feat. Nuj)
مغشوش اكل ضرب، وعدونا نشوف نجوم قمنا شفنا غيوم الحرب
شفنا نجوم الضهر سرب
مع كل خسارة ضلّك كابب نرد
و تأقلم أسرع، ما كل معركة بتغيّر سرد
و شجرة عيلة بتتشحّل إن كان ب تيكت
أو بأخر بوز الفرد
ح تتاطيشرو ع زوايا الارض يا ولاد
إنزحو بيوت شمال جنوب واللا غرب
وين الشمس بدلا البرد
وين البحر محلو غطّى الثلج
أحسن من العيشة بأرضك زرب
بتعيش ناسك تحت الشرط
جايي أمر الواقع فرض
جايي أمر الحاكم طرد
بيغلوك بركوة قهوة
و عضمك بسكوت ب روح فرط
وهاموك بنشوة
فلموك بوعد
في حشوة بقلب الجمجمة
و ضرس العقل مسوّس بعد
كيف بدنا نبني بهدنة
و نحنا ديرنا نقتّل بعض
كيف يعني اتفادى الفتنة
و هي بتوزّ بالدينة متل البعوض
شايف بعيوننا ياقوت
بس جسمي مبهّر بارود
و عرفنا الله بحدود
بلعنا ماي بلاهوت
بلعنا بحصة جالود
تعودنا نركي ع لسانو
خمسين سنة ببطن الحوت
و اللي بيسألني شو اللعبة
بقلو حسب الكروت
ما هوي الداير اللعبة
لابس جعبة، طبعو عكروت
و بيسألوني ليش بهوج
كلاب بتعوّي
و كلاب بتعضّ
ناس بت بوّي
و ناس بتنقضّ
مش قاشع حولي
ما كوني انخضّ
و شغل الدولة
مش شغل الرب
Nuj
كلاب بتعض الايد الي نمدتلها
شايل رصاصه
من بيت ناري بكبسون الفكره
هل ابره بتدقر الجلد ل قوص ذكره
عم تربطني بالطريق
يلي نوعدت ما فتلا
كافيني بنقطه بين عيوني و سحبي هالروح
مش كافر لكن مش مستوعب
مش عارف وين روح
كل البل اوه
بدن يني كفي بالطموح
و انا تحت غيوم
عم ترنخ ربي ظروف
بشيل موت
بس مين من بعدي ح يكون النوج
يوفي لي وعدي باعصار حروف
داخل مدمعتي في كتير عيون
بشيل موت
بس مش قبل ما لبس امي عقود
بس مش ب رصاص طايش غازي البيوت
بس مش انا و خيي ب كتير حبوب
و صعبه نعيش جوا بلاد ما تركتنا نعيش
و صعبه نبطل نشوفه اله للزعيم
صعبه تبني جيل و التحتك كله تكسير
لانه الجيل القبلك ما كانش فاضي يأسسلك شي
كان مشغول بحروبه ب اسم الدين
كان مشغول يدافع عن يلي باعو فلسطين
كان محبوس بجهل و نحن خلقنا محررين
من التفكير يلي قادهم عالجحيم
شيد قصورك عالمزارع
من كدنا و عمل ايدينا
و افلت كلابك بالشوارع
و اقفل زنازينك علينا
كلاب بتعوّي
و كلاب بتعضّ
ناس بت بوّي
و ناس بتنقضّ
مش قاشع حولي
ما كوني انخضّ
و شغل الدولة
مش شغل الرب