كلمات صفحة المجد
خسارة يالقصيد الطيب اللي يخلف العنوان
يسجل بالذهب في عالم مايستحقونه
وخسارة يالقصيد الهين اللي ينكتب فحصان
كبير القدر يحشم من مدوحا تنقصر دونه
خفيفين الشعر لا يقحمون المدح فالقيفان
يقولونه كلام وروسهم بالسمن مدهونة
قصيد مايعني شاعره ماهوب ف الحسبان
كلام عايدي مايشبه الماء كون في لونه
ادور مطلع لا انقاد ما يمشي على هونه
ليا منه تزين باسم ابن زهبة وابن رفعان
يحق لي الفخر لانطقت الاسمين مقرونة
ابو ناصر كتب في صفحة المجد اسمه الرنان
وطيبه زادنا عند الرجال اللي يعرفونه
يقدم في اي شان وخطوته الاولى خلاص الشان
ابو راس صليب وكلمة ذربة وموزونة
تخالط كفه خلاج العشاير مع خوار الضان
على اللي كل يوم يعينون الناس ف صحونه
فهد كساب كلمة والنعم حتى من العدوان
مع ان الناس قاصيهم ودانيهم يحبونه
وكثر ماترتجيه الناس مايفصل تليفونه
معرب جد راهي مد هرجه حد واسمه بان
مثل ما بان جده يوم كلا تضرس سنونه
من زحول ال عرجاء وال عرجاء المحزم المليان
اهل قب الاصايل لا استعان الخايف بعونه
واهل شرث الطعون مضيعة باس اشرس الفرسان
واهل حدب السيوف اللي تعزل الراس ومتونه
واهل يامرحبا يوم الظروف تكثر الضيفان
واهل راي سديد ونية بيضاء ومامونة
سلام الله على اللي رجح بكفتهم الميزان
ونومسهم بفعلا مايغط وثبت ركونه
ابو ناصر ذخر جدي واخي لاعدوا الاخوان
وابن عمي ولا في الشعر خير ان انقصر دونه
معلومات الاغنية
مهداء الى
فهد بن ناصر بن زهبه العرجاني
اداء خالد ال بريك
كلمات رفعان العرجاني