كلمات جزيل العطاء

يافهد ياشوق منهي تلبس البوشيّه
بنت شيخٍ فالملاقى ربعهم يتلونه

عاش راس اللّي يجمّلني لا جا طاريه
لبسوه النجمة اللّي زاهيه بمتونه

بنت فكري غالية ما توزن بربيّه
اتحفاها وهي في ضفّتي مصيونه

يافهد ياشوق منهي تلبس البوشيّه
بنت شيخٍ فالملاقى ربعهم يتلونه

عاش راس اللّي يجمّلني لا جا طاريه
لبسوه النجمة اللّي زاهيه بمتونه

كن يده لطراقي مزنتٍ وسميّه
تحيي الجذع اليباس ويزهرٍ غصونه

يابن خالي لك عمامن مدهل الطرقيّه
كلّ كلمة ونعم خلف اسمهم مقرونه

هنا شاعرٍ قافه ماهو يجذب الغاوين
يعدّ الفرايد في رياجيل يزهوونه

من يساوم الشاعر على مدحه فبيتين
ماهو مثل من ربعه على المدح يطرونه

وفهد حفيد أبوي شيخ الكرم والدين
أنا شاعر مسخّر له القاف ولحونه

هذا اللّيل يابو حمود أراقبه لي سنين
مثل ما يراقب حارس السجن مسجونه

تفاخر بسيرة زاهية ماتبي تدوين
مثل ما كسبنا النعم بسيوف مسنونه

على متونه يشلّ الحمل عسر ولا لين
قبل لا يعلّق نجمة الجيش بمتونه

ملازم ويصدر بسمه الأمر والتعيين
يجي فوق هقوت ربعه وما يوودونه

هذا فلعه أبلج مايوقف بحين وحين
مضريّه عود يبرك الحيل بصحونه

ليا كبرت القاله يعقل الصعيبه لين
تصير الكبار الصغار في نظرة عيونه

جزيل العطاء ماهو يقول الوعد بعدين
وعلى كلّ طيّب سايق العمر من دونه

ولا مات منهو ترثته للعلا ضارين
خذو منه صيت أهل المعاريف يروونه

لو بنذكر فعلوه نبي نتعب القارين
أبو بدر ناصر ماكر الطيّب وركونه

من أزحول حرب وحرب وقت اللقى ساطين
على ظهور خيل وروس الاخصام مدفونه

سلامي على الدحّام كلّ ما لتقى جمعين
يوم أدناهم اللّي يدحم الموت بمتونه

مقادم نهار الهوش لا صاحوا منادين
تردّ العداء بمصاقل السيف مغبونه

حفظنا المبادي قبل نسكن بيوت الطين
وعلى النهج كلّ جيلٍ ورا جيل يمشونه

ورثنا المبادي والقيم و الجناب الزين
وصايا سلف من ماضي الوقت مصيونه

حن أحفاد عودٍ له فعولن تسرّ العين
كريمٍ يشوفون الحفاوه من عيونه

هذا جازي اللّي لـطراقي يسدّ الدين
وهل الدم ينصونه وهل الدين يفتونه

أله مجلسٍ يندار فيه النعم والدين
هل الرأي لأمنه قسى الوقت ينصونه

شيلة جزيل العطاء – صالح اليامي
Jazeel Al Ataa – Saleh Al Yami

المزيد من أغاني صالح اليامي