كلمات سهوم الموت
الا ياهجوسي زان جوي وقر المود
بعد مر ف رحلة خيالات وهميه
انا الشاعر الحاضر وانا الشاعر الموجود
لامنه شعاني طيب الراس والنيه
سلامي على عايض وريث الفخر والجود
سلام الوفا من صادق الود وتحيه
حزام السعد لاحك عود براس العود
يوقف لها ويقول الاوضاع عادية
شهود على فزعاتك اللا حدودية
على العز يارجل بذل جهده المجهود
لفزعة بني عمه تسوقه حماوية
هذا عايض النشمي هذا سيفنا المجرود
هذا النادر اللي ماخلق ف العرب زيه
هذا اللي يحب الطيب ومحارب المنقود
هذا اللي يشوف الصعب فنجال بريه
مهندس ومطنوخ وكريم ووسيع بنود
وكريزما وشخصيه ثقه دبلوماسيه
راع ابشر على خشمي وابو تم وارقى سنود
وابو دندن وتامر وحاجتك مقضيه
ولاخابات الهقوات عدا هقاويه
عسى فدوته من شال بشته ولاله كود
تنصاص ف سناب وفلاشات حصريه
عسى الله يبارك في مساعيك والمجهود
ياراس على جزل الجمايل مساعيه
مدحتك ومدحي لاني ابحث عن المردود
سنافي وتستاهل من الشعر فرديه
لو اصوغ لي ميتين بيت وعليها زود
ماوفيك حقك لو ثلاثين بالميه
ولاهو غريب الطيب وانته عريب جدود
سلايل شيوخ تنطح الموت رجليه
من حزامي احزام السعد محتمين القود
بني فيصل اساس الوفاء والشهامية
وحنا هل الشرفا الفخر فزعة المضهود
كسبنا الفخر ماهو بشرهه وعاريه
لنا ف صفحة الامجاد سيره مع ال سعود
تواريخ ماتحصى ولاهي بـ منسيه
وحنا سهوم الموت يوم البرا مردود
كسرنا جيوش الترك من دون ماويه
ياسمو البقوم اهل القنا شعلة البارود
ياحي الفعل والصيت والسمعه الحيه