كلمات من قال

قال ابرجع لجل احبك واداريك
الماضي اللي فات مابغى رجوعه

ومن باعني بعته ولو كنت انا اغليك
العمر واحد بهتني في ربوعه

والغاوي اللي بالخفا صار يعنيك
خله يسرك بالليالي الفجوعه

وقلبن يحبك للاسف صار ناسيك
ناسيك ياللي ماعرفنا طبوعه

خذها وعد مني وعدد لياليك
تبطي علي رد الوصل مع جموعه

ماغيرك اللي يزعل وكنت انا ارضيك
وماغيرك اللي بالجفا له طلوعه

مليت من عشقي وهذي حراويك
ومن مل من عشقي يدور ربوعه

تعال ابشرح لك طبايعك ابعطيك
حلو الكلام اللي تمنى سموعه

وافهم كلامي واحفظه لايعنيك
وافهم جميع اللي بقول بميوعه

ان كان قصدك بالحشا يوم انا اطريك
قلبن يحبك يصعب اني اطوعه

عني توكل والليالي تصحيك
ماضيك قفا وانطفت بك شموعه

باكر يجي منهو يعوض ابتجافيك
وتعيش مع نفسك وروحن جزوعه

مابيك انا مابيك مابيك مابيك
هذا كلامك وافهم اللي تفوعه