كلمات بيّن عليّ الكبر

بيّن عليّ الكبر و الحيل راح الحيل
بالغربة ضاع العمر و مساهر اويا الليل
لا هلي و لا صحبتي
ظلّيت انا بغربتي
حگّي امن اصب دمعتي
و اصرخ و اصيح الويل

البارحة بالحلم چنّي لهلي ردّيت
ما بين ناس اگعدت چن سولفت و بچيت
ريت الحلم ما گضي
ريت آنه ما فزّيت
ضاع العمر غربة
كل من مشي بدربه
حگّي امن اون عالمضي
و اصرخ و اصيح الويل

بيّن عليّ الكبر و اشتاگت اعيوني
وين الاحبهم چنت و چانوا يحبّوني
من كثر صبّة دمع ما اظن يعرفوني
من كثر صبّة دمع مو راحن اعيوني
دنيا و علي صعبة
كل من مشي بدربه
حگّي امن اون عالمضي
و اصرخ و اصيح الويل